Wildlife: એક દિવસના ગેંડાના બચ્ચાનો ક્યૂટ વીડિયો વાયરલ
નવજાત ગેંડાની માસૂમિયત જોઈ સોશિયલ મીડિયા પર લોકો આફરીન પોકારી ગયા
સોશિયલ મીડિયા પર એક વાઈલ્ડ લાઈફ સંબંધિત વીડિયો વાયરલ થઈ રહ્યો છે, જેમાં એક દિવસના ગેંડાના બચ્ચાની ઝલક જોવા મળે છે. આ વીડિયો વન વિભાગના પરવીન કાસ્વા નામના અધિકારી દ્વારા પોસ્ટ કરવામાં આવ્યો હતો, જેને લોકોએ ખૂબ પસંદ પણ કર્યો છે. ઈન્ટરનેટ પર વીડિયો જોઈને લોકોએ ગેંડાના બચ્ચા અંગે આશ્ચર્ય પણ વ્યક્ત કર્યું હતું.
વીડિયો શેર કરતા અધિકારીએ લખ્યું છે કે તમે ક્યારેય એક દિવસના ગેંડાના બચ્ચાને જોયું હશે નહીં. જુઓ અમારા નેશનલ પાર્કમાં દરેક ગેંડાનું મોનિટર કરવામાં આવે છે. વીડિયો પોસ્ટ કર્યા પછી નવજાત ગેંડાના બચ્ચાની માસુમિયત જોવા મળે છે, જે શાંત દુનિયાને જોતું જોવા મળ્યું હતું. વીડિયોને હજારો વ્યૂઝ મળ્યા છે.
If you have never seen how a one day old rhino baby looks like.
In our national park every rhino is recorded and monitored. pic.twitter.com/U26W5J8OVC
— Parveen Kaswan, IFS (@ParveenKaswan) April 15, 2026
સોશિયલ મીડિયા પર યૂઝરે પણ લખ્યું હતું કે દુલર્ભ દૃશ્ય તો અન્ય એક યૂઝરે લખ્યું હતું કે હૃદયસ્પર્શી નજારો. અનેક લોકોએ વન વિભાગની કામગીરીની પ્રશંસા કરી હતી. બીજાએ લખ્યું હતું કે આ પ્રકારની મજબૂત મોનિટરિંગ કરવાથી વન્ય જીવોના સાચી રીતે રક્ષણ થઈ શકે છે તો અમુક લોકોએ સુરક્ષા મુદ્દે પણ સવાલ ઊઠાવ્યા હતા. એક યૂઝરે લખ્યું હતું કે આટલા નાના બચ્ચાની સામે જવાનું સુરક્ષિત છે, કારણ કે માતા પણ પોતાના બચ્ચાની સુરક્ષા માટે હુમલો પણ કરી શકે છે, પરંતુ એના અંગે અધિકારીએ પણ જવાબ આપ્યો હતો કે બચ્ચાની નજીક જવાનું બિલકુલ સુરક્ષિત છે. આ શૂટિંગ પણ હાથી પર બેસીને પેટ્રોલિંગ વખતે શૂટ કરવામાં આવ્યું હતું.
ગેંડા સામાન્ય રીતે સ્વભાવમાં શાંત માનવામાં આવે છે, પરંતુ જોખમ ઊભું થતા આક્રમક બની શકે છે. ખાસ કરીને બચ્ચાની આસપાસ હોય તો સુરક્ષાત્મક વ્યવહાર પોતાની જાતને વધુ સુરક્ષિત માને છે. વાયરલ વીડિયોએ સૌનું ધ્યાન ખેંચ્યું છે, જેમાં વન્યજીવોની સુરક્ષાને લઈ ચર્ચાનું કારણ પણ બન્યો છે. અહીં એ જણાવવાનું કે ભારતમાં એક શિંગડાવાળા ગેંડાનું સફળતાપૂર્વક સંરક્ષણ કરવામાં આવ્યું છે. આ જ કારણથી દુનિયાના 80 ટકા એક શિંગડાવાળા ગેંડા ભારતમાં જોવા મળે છે, તેમાંય આસામ વન વિભાગે શિકાર અટકાવવામાં મુખ્ય ભૂમિકા ભજવી છે.