પેટની ચરબી ઓગાળવા માટે અક્સીર છે આ ‘પાવર ડ્રિંક’, તમે પણ ટ્રાય કરી જુઓ એક વખત

આજના સમયમાં વધતું વજન અને પેટ પર જામતા ચરબીના થર એ દર બીજી વ્યક્તિ માટે માથાનો દુખાવો બની ગયા છે. આ જિદ્દી ચરબીને ઘટાડવા માટે લોકો જિમ અને ડાયટિંગ પાછળ હજારો રૂપિયા ખર્ચે છે, છતાં ધાર્યું પરિણામ મળતું નથી. જો તમે પણ આ સમસ્યાથી પરેશાન હોવ, તો કુદરતી વસ્તુઓનું એક ખાસ સંયોજન માત્ર એક મહિનામાં જ તમારી ચરબીને મીણની જેમ પીગળાવી શકે છે. આજે આપણે આ સ્ટોરીમાં આ વિશે જ જાણવાનો પ્રયાસ કરીશું…

ચિયા સીડ્સ અને કાળી દ્રાક્ષ: એક પાવર હાઉસ
છેલ્લા કેટલાક સમયથી ચિયા સીડ્સ તેના અગણિત સ્વાસ્થ્ય ફાયદાઓને કારણે વિશ્વભરમાં ‘સુપર ફૂડ’ તરીકે લોકપ્રિય થયા છે. પરંતુ, જો આ ચિયા સીડ્સની સાથે કાળી દ્રાક્ષ (કાળી કિસમિસ) ને ઉમેરવામાં આવે, તો તે સ્વાસ્થ્ય માટે એક શક્તિશાળી ડ્રિંક બની જાય છે. નિષ્ણાતોના મતે આ બંનેનું મિશ્રણ શરીર માટે પોષક તત્વોનું પાવર હાઉસ છે.
કાળી કિસમિસ અને ચિયા સીડ્સ બંને પોષક તત્વોનો ખજાનો છે. વાત કરીએ કાળી કિસમીસની તો તેમાં ભરપૂર માત્રામાં એન્ટિઓક્સિડન્ટ્સ અને આયરન હોય છે. તે શરીરમાં એનર્જી વધારવાની સાથે એનિમિયા (લોહીની ઉણપ) જેવી સમસ્યા સામે લડે છે. જ્યારે ચિયા સીડ્સમાં ફાઈબર, પ્રોટીન અને કેલ્શિયમનો શ્રેષ્ઠ સ્ત્રોત છે. તેમાં રહેલું હાઈ-ફાઈબર કન્ટેન્ટ લાંબા સમય સુધી પેટ ભરેલું રાખે છે અને પાચન શક્તિમાં સુધારો કરે છે.

પેટની ચરબી ઘટાડવા માટે કેવી રીતે કામ કરે છે?
જ્યારે તમે કાળી કિસમિસ અને ચિયા સીડ્સનું પાણી મિક્સ કરીને પીવો છો, ત્યારે તે મેટાબોલિઝમને તેજ કરે છે. આ કોમ્બિનેશન પાચનતંત્રને મજબૂત બનાવે છે અને શરીરમાં જમા થયેલા વિષારી તત્વો (Toxins) ને બહાર કાઢે છે. તેનાથી સૌથી મોટો ફાયદો એ થાય છે કે તે પેટ પર જામેલી વધારાની ચરબીને ઝડપથી ઓગળવાનું કામ શરૂ કરે છે.

અન્ય અદભૂત ફાયદાઓ
હેલ્ધી સ્કીન: આ પાણી તમારી ત્વચાને અંદરથી હાઈડ્રેટેડ રાખે છે, જેનાથી આખો દિવસ ચહેરો તરોતાજા અને ચમકદાર દેખાય છે.
નવા સેલ્સ બનાવે: ચિયા સીડ્સમાં રહેલું પ્રોટીન શરીરમાં નવા સેલ્સ બનાવવામાં મદદરૂપ થાય છે.
પાચનતંત્રમાં થશે સુધારો : આ ડ્રિંક પીવાથી કબજિયાત અને ગેસ જેવી સમસ્યાઓ જડમૂળથી દૂર થાય છે.

કેવી રીતે તૈયાર કરવું આ ડ્રિંક?
રાત્રે એક ગ્લાસ પાણીમાં એક ચમચી ચિયા સીડ્સ અને ૫-૭ કાળી કિસમિસ પલાળી દો. સવારે ખાલી પેટે આ પાણી પી લેવું અને પલાળેલી દ્રાક્ષ ચાવીને ખાઈ જવી. એક મહિના સુધી આ પ્રયોગ કરવાથી તમને તમારા શરીરમાં નોંધપાત્ર ફેરફાર જોવા મળશે.