Lok Sabha Election: PM મોદીનો આજે મુંબઈમાં રોડ-શો, આટલા રોડ બંધ

મુંબઈઃ લોકસભાની ચૂંટણી (Lok Sabha Election 2024)ના ચાર તબક્કાનું મતદાન સંપન્ન થયા પછી પાંચમા તબક્કામાં મહારાષ્ટ્રમાં મુંબઈ, થાણે સહિત ભિવંડી લોકસભાની ચૂંટણીની બેઠક પર મતદાન કરવામાં આવશે. મંગળવારે વડા પ્રધાન નરેન્દ્ર મોદી (Prime Minister Narendra Modi)એ વારાણસીથી ઉમેદવારી પત્ર ભર્યા પછી જોરદાર રોડ-શો કર્યો હતો, ત્યાર બાદ આજે PM Modi મુંબઈની મુલાકાતે છે. ચૂંટણી પ્રચાર અર્થે આજે રોડ શો (Road Show)નું આયોજન કરવામાં આવ્યું છે.

આજે વડા પ્રધાન મોદી મુંબઈના ઉમેદવારોના પ્રચાર અર્થે મુંબઈની મુલાકાત લેશે. આ મુલાકાતને કારણે મુંબઈના અમુક રસ્તાઓને બંધ રાખવામાં આવ્યો છે, જ્યારે અમુક રસ્તા પર વાહનોનું ડાઈવર્ઝન આપ્યું હોવાનું ટ્રાફિક વિભાગે જણાવ્યું હતું. વડા પ્રધાન નરેન્દ્ર મોદી પહેલી મુલાકાતમાં ઘાટકોપરથી મુલુંડ સુધી રોડ-શો કરશે. વર્તમાન ઉમેદવાર મિહિર કોટેચાને ટિકિટ આપી છે, જ્યારે કોટેચાની સામે ઉદ્ધવ ઠાકરે જૂથના ઉમેદવાર સંજય દિના પાટીલ સામે ટક્કર રહેશે.

એલબીએસ રોડ બપોરના બે વાગ્યાથી લઈને રાતના 10 વાગ્યા સુધી બંધ

આજે મુંબઈમાં પીએમ મોદીના રોડ-શોને કારણે મુંબઈનો એલબીએસ રોડ બપોરના બે વાગ્યાથી લઈને રાતના 10 વાગ્યા સુધી બંધ રહેશે. આ ઉપરાંત, માહુલ-ઘાટકોપર રોડના મેઘરાજ જંક્શનથી આરબી કદમ જંક્શન સુધી ઉત્તર અને દક્ષિણ દિશામાં બપોરના બે વાગ્યા સુધી રાતના દસ વાગ્યા સુધી સંપૂર્ણ રીતે બંધ રહેશે. મુંબઈ ટ્રાફિક પોલીસે જણાવ્યું છે કે પંદર તારીખના સંપૂર્ણ એલબીએસ રોડ અને તેને જોડતા મેઈન રોડની આસપાસ પણ 100 મીટરના વિસ્તારમાં નો-પાર્કિંગ રહેશે.