પૈસામાં છુટ્ટો હાથ હોય છે આ રાશિના લોકોનો, જોઈ લો તમારી કે તમારા પાર્ટનરની રાશિ તો નથી ને?

જ્યોતિષ શાસ્ત્રમાં દરેક રાશિની ખાસિયત અને ખામીઓ જણવવામાં આવી છે અને એને આધારે જે-તે વ્યક્તિના સ્વભાવ અને તેની પર્સનાલિટી વિશે અંદાજો લગાવી શકાય છે. આજે આપણે અહીં એવી કેટલીક રાશિઓ વિશે વાત કરીશું જેઓ ખૂબ જ ખર્ચાળ હોય છે, પૈસા તો તેઓ પાણીની જેમ વેરે છે અને બચત કરવામાં તો તેઓ ખૂબ જ પાછળ પડે છે. આ લોકો એટલી હદે પૈસા ખર્ચે છે કે તેમની પાસે પૈસા ટકતાં જ નથી. ચાલો જાણીએ એવી રાશિઓ વિશે જેઓ પૈસા ખર્ચતી વખતે બિલકુલ વિચારતા નથી… તમારા પાર્ટનર કે પરિવારમાં કોઈ એવો સભ્ય તો નથી ને કે જેનો સ્વભાવ આવો હોય-
સિંહઃ સિંહ રાશિના સ્વામી સૂર્ય છે અને આ રાશિના જાતકો પોતાની વૈભવી જીવનશૈલી માટે જાણીતા હોય છે. આ લોકોને લક્ઝુરિયસ લાઈફ જીવવાનું ગમે છે અને તેઓ પૈસા ખર્ચવામાં પાછળ ફરીને નથી જોતા. પોતાને ગમતી કોઈ પણ વસ્તુ પછી તે ગમે એટલી મોંઘી કેમ ના હોય તે ખરીદીને જ તેઓને શાંતિ થાય છે. ઘણી વખત પોતાની આ જ આદતને કારણે આ રાશિના જાતકો દેવાદાર બની જાય છે.
મિથુનઃ મિથુન રાશિના સ્વામી બુધ છે. પૈસા ખર્ચવાની બાબતમાં આ રાશિના જાતકો પણ પૈસા ખર્ચવાની બાબતમાં એકદમ દિલદાર હોય છે. પોતાની સુખ-સુવિધા અને એશો આરામ માટે પૈસા ખર્ચવામાં પાછળ ફરીને નથી જોતા. મિથુન રાશિના જાતકો રહેવા-ખાવા અને પીવાની આદતો પર મન મૂકીને ખર્ચ કરે છે. એટલું જ નહીં આ રાશિના લોકો બીજા પર પણ મન ખોલીને ખર્ચ કરે છે. આ જ કારણસર તેમની પાસે પૈસા બચતા નથી અને તેઓ બચત કરી શકતા નથી.
વૃશ્ચિક: વૃશ્ચિક રાશિના જાતકોનો સ્વામી મંગલ છે અને લાલ ગ્રહની કૃપાથી જ આ રાશિના લોકો પૈસા ખર્ચવામાં હંમેશા જ આગળ રહે છે. આ લોકો બીજા લોકો તેમના વિશે શું વિચારશે એની ચિંતા કર્યા વિના મુક્તપણે જીવે છે. આ લોકો પૈસા ખર્ચવામાં બિલકુલ પીછેહઠ કરતા નથી. એટલું જ નહીં પણ આ રાશિના જાતકો આજમાં જીવવામાં માને છે.
તુલા તુલા રાશિનો સ્વામી શુક્ર છે અને શુક્રનો સંબંધ જ ભૌતિક સુખ માટે જવાબદાર ગ્રહ માનવામાં આવે છે. શુક્રની કૃપાથી આ લોકો વૈભવી જીવન જીવવાના શોખીન હોય છે. મોંઘા મોંઘા શોખને પૂરા કરવામાં આ લોકો છુટ્ટા હાથે પૈસા ખર્ચ કરે છે. પોતાની ઈચ્છાઓ પૂરી કરવા માટે કોઈપણ હદ સુધી જઈ શકે છે. આ લોકો માત્ર પોતાના શોખ જ નહીં પરંતુ પોતાના મિત્રો અને સંબંધીઓના શોખ પણ પૂરા કરવામાં પાછળ પડતા નથી.