Sunday Special: Paralympicsમાં સિલ્વર મેડલ અપાવનાર શરદ કુમારની રિયલ સ્ટોરી જાણો

ભારતના પેરા-એથ્લેટ શરદ કુમારે પેરિસ પેરાલિમ્પિક્સ 2024માં મેન્સ હાઇ જમ્પ ટી63 કેટેગરીમાં સિલ્વર મેડલ નિશ્ચિત કરીને પોતાની સફળતાની યશકલગીમાં વધુ એક પીછું ઉમેર્યું છે. પોલિયોગ્રસ્ત શરદ કુમારના યશસ્વી પ્રદર્શને દેશને ગોરવ વધાર્યું છે તેમ જ ભારતના અગ્રણી પેરા-એથ્લેટ્સમાંના એક હોવાના વધુ એક વખત પુરવાર કર્યું છે.
ભારતને અવિરત મેડલ અપાવવાનું શ્રેય
આ મેડલ જીતીને પોતાની સફળતાનો શ્રેય પિતા સુરેન્દ્રકુમાર અને માતા કુમકુમ કુમારી અને ભાઈ સનતકુમારને આપ્યો હતો. શરદ કુમારની સિદ્ધિની વાત કરીએ તો 2024 પેરિસ પેરાલ્મિપિક્સમાં સિલ્વર મેડલ જીત્યો છે, જ્યારે 2020માં ટોક્યિોમાં બ્રોન્ઝ, 2019માં વર્લ્ડ પેરા એથ્લેટ્કિસ ચેમ્પિયનશિપમાં સિલ્વર મેડલ જીત્યો હતો. 2018 એશિયન પેરા ગેમ્સમાં ગોલ્ડ મેડલ મળ્યો હતો. આ ઉપરાંત, વર્લ્ડ પેરા એથ્લેટિક્સ ચેમ્પિયનશિપ 2017માં સિલ્વર અને મલેશિયન ઓપન પેરા એથ્લેટ્કિસ ચેમ્પિયનિશપમાં ગોલ્ડ મેડલ જીત્યો હતો.
જન્મે બિહારી છે શરદ કુમાર
શરદ કુમારની આ સફર ઉલ્લેખનીય સાહસ અને દ્રઢતાથી ભરેલી રહી છે. પહેલી માર્ચ 1992ના બિહારના મોતીપુરમાં જન્મેલા શરદને બે વર્ષની કુમળી વયે પોલિયો થયો હતો. તેનું શરૂઆતનું જીવન આરોગ્ય સંબંધિત વિવિધ જટિલતાઓથી ભરેલું હતું. તેને સ્વસ્થ થવાના મરણિયા પ્રયાસરૂપે હોસ્પિટલ તેમ જ અધ્યાત્મના માર્ગે ચાલીને પણ માનસિક રીતે મજબૂત બન્યો હતો.
મર્યાદાઓ બની ગઈ સફળતાની ચાવી
ચાર વર્ષની ઉંમરે શરદને એક બોર્ડિંગ સ્કૂલમાં મોકલવામાં આવ્યા, જ્યાં તેમને અન્ય એક પડકારનો સામનો કરવો પડ્યો – તેમને રમતગમતની પ્રવૃત્તિઓમાંથી બાકાત રાખવામાં આવ્યા. જ્યારે અન્ય લોકો તેમાં ભાગ લેતા હતા, ત્યારે શરદને બેન્ચ સુધી મર્યાદિત રાખવામાં આવ્યા હતા. અમુક મર્યાદિત પરિસ્થિતિએ તેમને ખૂબ જ નિરાશ કર્યો હતો. જોકે, આ મર્યાદાઓમાંથી મુક્ત થવાની ઇચ્છાએ તેને રમતગમતમાં, ખાસ કરીને હાઈ જમ્પમાં રસ જાગ્યો. શરદને પોતાના મોટા ભાઈ, જે એક સ્કૂલનો રેકોર્ડ હોલ્ડર હતા. તેમનાથી પ્રેરિત થઈને શરદે હાઈ જમ્પ પર નજર નાખી અને ક્યારેય પાછું વળીને જોયું નહીં.
આંતરરાષ્ટ્રીય સ્પર્ધામાં ઝળક્યો
શરદ કુમારની એથ્લેટિક કારકિર્દી ત્યારે શરૂ થઈ જ્યારે તેમણે 2009માં છઠ્ઠી જુનિયર નેશનલ પેરા-એથ્લેટિક્સ ચેમ્પિયનશિપમાં ગોલ્ડ જીત્યો, જે એક એવી સફરની શરૂઆત હતી કે જે તેને આંતરરાષ્ટ્રીય ફલક પર ઉત્કૃષ્ટ દેખાવ કરતી જોવા મળશે. આ પ્રારંભિક વિજયને કારણે તેમણે 2010માં ચીનના ગ્વાંગઝૂમાં રમાયેલી એશિયન પેરા ગેમ્સમાં આંતરરાષ્ટ્રીય ક્રિકેટમાં પદાર્પણ કર્યું હતુ. વર્ષો સુધી, શરદે વ્યક્તિગત અને શારીરિક બંને અવરોધોને પાર કરીને પોતાની કુશળતાને સુધારી અને સફળતાને ચાર ચાંદ લગાવ્યા હતા.
સરકારી સહાય બની મોટી મદદ
પેરા-એથ્લેટિક્સમાં શરદ કુમારની સફળતાને વિવિધ યોજનાઓ દ્વારા ભારત સરકારના મજબૂત સમર્થનથી ખૂબ જ બળ મળ્યું છે. તેમની તાલીમ, સ્પર્ધાઓ અને નિષ્ણાત કોચિંગ માટે નાણાકીય સહાય પૂરી પાડવામાં આવી છે, જે તેમના વિકાસ અને પ્રદર્શન માટે આવશ્યક છે. પંચકુલાના તાઉ દેવીલાલ સ્ટેડિયમમાં ટોચની તાલીમ સુવિધાઓની ઉપલબ્ધતાએ તેની તૈયારીમાં વધુ ફાળો આપ્યો છે.

मुजफ्फरपुर के शरद कुमार ने पेरिस पैरालंपिक में झंडा गाड़ा है. उन्होंने ऊंची कूद स्पर्धा में देश के लिए सिल्वर मेडल जीता है । आपने अपने शानदार प्रदर्शन से देश का नाम पूरी दुनिया में रौशन किया है। आपको इस शानदार उपलब्धि पर हार्दिक बधाई। pic.twitter.com/5iijfGSn8u

— Mangal Pandey (@mangalpandeybjp) September 4, 2024

ભવિષ્યના રમતવીરો માટે પ્રેરણાસ્ત્રોત
શરદ કુમારની રિયલ સ્ટોરી એ છે કે તમામ અવરોધો સામે વિજયની એક છે. પોલિયોની અસરો સામે લડવાથી માંડીને ટોક્યો અને પેરિસ પેરાલિમ્પિકમાં પોડિયમ પર ઊભા રહેવા સુધીની તેમની આ સફર મહત્વાકાંક્ષી રમતવીરો માટે પ્રેરણારૂપ છે. તેમના નામે અસંખ્ય પ્રશંસાઓ અને વધુ આવતા હોવા છતાં, શરદ અવરોધો સામે લડીને પણ સફળતાના શિખર પ્રાપ્ત કરીને પોતાના દેશનું નામ રોશન કર્યું છે.