હેલ્થ ટિપઃ તમારી ઉંમર પ્રમાણે તમે કેટલું ફાસ્ટ દોડી શકો છો, ના ખબર હોય તો જાણી લો?

સામાન્ય રીતે તંદુરસ્ત લોકોને હરવા ફરવાની ડોક્ટર પણ સલાહ આપતા હોય છે. તંદુરસ્ત રહેવા માટે ખાસ કરીને ડોક્ટર ચાલવાની યા દોડવાની પણ સલાહ આપતા હોય છે. તાજેતરમાં અમેરિકામાં સંશોધકોએ રસપ્રદ તારણો કાઢ્યા છે, જેમાં એક ઉંમરના વર્ગના લોકોને પોતાની નિયત ઉંમર ક્રાઇટેરિયા રીતે દોડવું જોઈએ જે લાંબા ગાળે ફાયદાકારક પણ સાબિત થઈ શકે છે.

લોકોએ દોડવા માટે શરૂઆતમાં એક નાના સર્કલથી કરવી જોઈએ. વધારે લાંબા અંતરની દોડ લગાવવાથી (બહુ લાંબુ દોડવાથી) બચવું જોઈએ. અમુક ઉંમરના લોકોએ નિયત સમયના અંતરે દોડવું જોઈએ એની વિસ્તૃત વાત કરી લઈએ. ખાસ કરીને દોડવાનું નક્કી કરો તો શરૂઆતમાં લિમિટેડ અને તમારી ઉંમરની ક્ષમતા પ્રમાણે દોડવુ, જે ફાયદાકારક સાબિત થઇ શકે છે પણ એનાથી વિપરીત કરો તો શારીરિક રીતે મુશ્કેલીનું નિર્માણ થઈ શકે છે.

ટૂંકમાં રનિંગ એક્ટિવિટીઝ એ હેલ્થ માટે ફાયદાકારક છે તેમ જ વજન ઘટાડવામાં પણ મદદરૂપ બને છે. જે ઓવરઑલ તમારા શરીરને સ્વસ્થ રાખવામાં મદદ કરે છે. અમુક ઉંમરના લોકો માટે અમુક માપદંડ નક્કી કરવામાં આવ્યા છે, જે પ્રમાણે વ્યક્તિ દોડી શકે નહીં તો કદાચ શારીરિક સમસ્યા પણ હોઈ શકે, જે તપાસ કરવાનું ફાયદાકારક સાબિત થઇ શકે છે.

લાઇફ ટાઈમ રનિંગના નિષ્ણાતના દાવા મુજબ એક તંદુરસ્ત સામાન્ય વ્યક્તિએ 10 મિનિટમાં એક માઇલ એટલે 1.6 કિલોમીટર દોડી શકે છે, જ્યારે એથ્લેટની વાત કરીએ તો સાત મિનિટ અને ટોપ એથ્લેટ પોતાની ક્ષમતા પ્રમાણે પાંચ મિનિટમાં એક માઇલ જેટલું દોડી શકે છે. મૂળ વાત કરીએ તો અમુક વર્ગના લોકોએ નિયત સમયમાં દોડે હેલ્થની રીતે ફાયદાકારક સાબિત થઈ શકે છે.

– 20/30 વર્ષના પુરુષ આશરે 1 માઈલનું અંતર લગભગ 6.37 મિનિટ અને આ જ વર્ગની મહિલા 7.49 મિનિટ લગાવી શકે

– 30/40 વર્ષના પુરુષ આશરે એક માઈલનું અંતર આશરે 6.47 તેમ જ આ જ વર્ગની મહિલા 7.49 મિનિટ

– 40/50 વર્ષના પુરુષ આશરે 7.14 મિનિટ તેમ જ આ જ વર્ગની મહિલા 8.14 મિનિટનો સમય લગાવી શકે

– 50/60 વર્ષના પુરુષ આશરે 7.50 મિનિટ અને મહિલાઓ આશરે 9.11 મિનિટનો સમય લગાવી શકે છે.

(નોંધ: અહીં આપેલી માહિતી ફક્ત સંશોધન આધારિત છે, જેનું પાલન ફકત તમારા ફેમિલી ડોક્ટરની સલાહ લઈને કરવું!)