ICCએ સોશિયલ મીડિયા પર શેર કર્યો Rishabh Pant-Rohit Sharmaનો એ વીડિયો અને…
હાલમાં જ્યાં જુઓ ત્યાં T20 વર્લ્ડ કપ 2024 (T20 Worldcup- 2024)નો ફીવર ક્રિકેટપ્રેમીઓ પર છવાયેલો છે. ગુરૂવાર સુપર-8માં ભારત અને અફઘાનિસ્તાન વચ્ચે મેચ રમાઈ હતી અને આ મેચમાં વિકેટ કિપિંગ રિષભ પંત (Wicket Keeper Rishabh Pant)એ ત્રણ કેચ પકડીને લાઈમલાઈટ ચોરી લીધી હતી.
જોકે, આ બધા વચ્ચે આઈસીસીએ રિષભ પંત અને ટીમ ઈન્ડિયાના કેપ્ટન રોહિત શર્મા (Team India Captain Rohit Sharma)નો એક વીડિયો સોશિયલ મીડિયા પર પોસ્ટ કર્યો છે. રોહિત અને રિષભનો આ કોમેડી વીડિયો સોશિયલ મીડિયા પર આગ લગાવી રહ્યો છે.
Rishabh Pant was calling ‘Mera Catch hai, mera catch hai” while the ball was in the air.
Rohit Sharma to Rishabh after Rishabh took the catch: “Haan tera hi hai, tera hi hai.” 😂😂
Rohit-Rishabh Combo is a treat ❤️ pic.twitter.com/PT5unRgvHQ— Star Boy ⭐ (@Star_boy_55) June 20, 2024
પોસ્ટ કરવામાં આવેલા આ વીડિયોમાં જોવા મળી રહ્યું છે કે રોહિત રિષભને કહી રહ્યો છે કે આ તારો જ કેચ છે, આ તારો જ છે. આ ઘટના મેચની 11મી ઓવરમાં બની હતી. જ્યારે અફઘાનિસ્તાનનો બેટ્સમેન ગુલબદ્દીન નાયબે કુલદીપ યાદવનો શોટ ખોટા ટાઈમિંગ સાથે રમ્યો અને બોલ એકદમ ઊંચે ગયો હતો. રિષભ પંત આ કેચ પકડવા માટે આગળ વધ્યો અને બૂમો પાડવા લાગ્યો કે આ મારો કેચ છે, આ મારો કેચ છે… આવું કહીને તેણે આસપાસના તમામ ફિલ્ડર્સને દૂર રહેવાની ફરજ પાડી હતી. કેપ્ટન રોહિત શર્મા પણ આ કેચની ખૂબ જ નજીક હતો, પણ પંતની આ બૂમાબૂમ સાંભળીને રોહિત પણ અટકી ગયો હતો.
https://www.instagram.com/p/C8cjP4dvcsx/?igsh=ajZ0NGFqMzVoMWVx;
પંતે જેવો આ કેચ કર્યા બાદ રોહિત પંતને એવું કહેતો જોવા મળ્યો હતો કે આ કેચ તારો જ હતો, ભાઈ આ તારો જ કેચ છે.
આ ઘટનાનો વીડિયો સોશિયલ મીડિયા પર ધૂમ વાઈરલ થઈ રહ્યો છે. ICCએ તેના સોશિયલ મીડિયા હેન્ડલ પરથી તેનો આ વીડિયો શેર કર્યો છે. ક્રિકેટ ચાહકો દ્વારા આ વીડિયોને ખૂબ પસંદ કરવામાં આવી રહ્યો છે.
મેચની વાત કરીએ તો સુપર-8ની આ પ્રથમ મેચમાં ભારતે અફઘાનિસ્તાનને 47 રનથી હરાવ્યું હતું. પ્રથમ બેટિંગ કરતાં ભારતે 20 ઓવરમાં 8 વિકેટ ગુમાવીને 181 રન બનાવ્યા હતા. સૂર્યકુમાર યાદવે 53 રન ફટકાર્યા હતા. જેના જવાબમાં અફઘાનિસ્તાનની આખી ટીમ 20 ઓવરમાં 134 રનમાં જ સમેટાઈ ગઈ હતી. જસપ્રીત બુમરાહ અને અર્શદીપ સિંહને ત્રણ-ત્રણ વિકેટ લીધી હતી.