ટ્રેનમાં મળતી ચા પીવાના શોખિન છો? પહેલા આ વાંચી લેજો, નહીંતર…
આજકાલ જમાનો સોશિયલ મીડિયાનો છે અને દરરોજ આ સોશિયલ મીડિયા પર અલગ અલગ પ્રકારના વીડિયો વાઈરલ થતાં હોય છે. એમાંથી કેટલાક વીડિયો એવા હોય છે કે જે જોઈને આપણું મગજ કામ કરવાનું જ બંધ કરી દે છે તો કેટલાક વીડિયો જોઈને આપણને રિયાલિટી ચેક મળે છે. આજે અમે અહીં તમારા માટે આવા જ વાઈરલ વીડિયોની વાત લઈને આવ્યા છીએ.
આપણામાંથી મોટાભાગના લોકોએ ટ્રેનમાં મુસાફરી કરી જ હશે અને આ મુસાફરી દરમિયાન ચટપટી ભેલ, ગરમાગરમ વડાપાંવ કે ચાની ચૂસકીઓનો સ્વાદ માણી જ હશે ને? ભાઈસાબ આ રીતે ચાની ચુસકીઓ માણવાનો આનંદ જ અલગ છે. જો તમે પણ આ રીતે ટ્રેનમાં ચા પીવાના શોખીન હોવ તો આ સમાચાર તમારા માટે જ છે.
સોશિયલ મીડિયા પર એક નહીં પણ બે વીડિયો વાઈરલ થઈ રહ્યા છે, જેમાં ટ્રેનમાં મળતી ચા કઈ રીતે બનાવવામાં આવે છે એ દેખાડવામાં આવ્યું છે. આ વીડિયો જોયા પછી અમને તો નથી લાગતું કે તમે બીજી વખત ક્યારેય પણ ટ્રેનમાં મળતી ચા પીવાની પસંદ કરશો. ચાલો જોઈએ વાઈરલ વીડિયો…
સોશિયલ મીડિયા પર ભારતીય રેલવેમાં ટ્રેનોમાં મુસાફરો માટે કઈ રીતે ચા બનાવવામાં આવે છે એ જોઈને તમને ચિતરી ચડશે. એક વીડિયોમાં જોવા મળે છે કે ચા વેચનાર ફેરિયો ચાનું પાણી ગરમ કરવા માટે હીટર રોડનો ઉપયોગ કરે છે. જ્યારે બીજા વીડિયોમાં તો તમામ હદ પાર કરી દેવામાં આવી છે. આ વીડિયો જોઈને તો સોશિયલ મીડિયા યુઝર્સ કહી રહ્યા છે કે તેઓ બીજી વખત ટ્રેનમાં ચા પીવાનું નહીં પસંદ કરે.
Rs.10 में ट्रेन की चाय कोन कोन पीता है??
सब पीते है, क्या करे मजबूरी है।#Railway #tea
pic.twitter.com/EipCpSJXJw— Dr. B L Bairwa MS, FACS (@Lap_surgeon) January 23, 2025
આ વીડિયોમાં જોવા મળી રહ્યો છે કે ચા વેચનાર ફેરિયો તો ચા બનાવવા માટે ટ્રેનના શૌચાલયમાં આવેલા નળમાંથી જ પાણી ભરવા લાગે છે. આ વીડિયો પર યુઝર્સ જાત જાતની કમેન્ટ અને લાઈક કરી રહ્યા છે. સોશિયલ મીડિયા પર આ વીડિયો આગની જેમ વાઈરલ થઈ રહ્યા છે.
वायरल वीडियो ट्रेन में चाय कैसे बना रहे है pic.twitter.com/gEjjdlXszC
— ममता राजगढ़ (@rajgarh_mamta1) January 7, 2025
તમે પણ આ વાઈરલ વીડિયો ના જોયા હોય તો અત્યારે જ જોઈ લો અને તમારું મંતવ્ય અમને કમેન્ટ બોક્સમાં ચોક્ક્સ લખીને જણાવો…