ગ્રીનફિલ્ડ એક્સપ્રેસવે: અમદાવાદથી ધોલેરા પહોંચવામાં હવે 45 મિનિટ લાગશે!
ભારતમાલા પરિયોજના હેઠળ ₹૫,૮૦૦ કરોડના ખર્ચે નિર્મિત આ ગ્રીનફિલ્ડ એક્સપ્રેસવે ગુજરાતની આર્થિક કાયાપલટ કરશે
અમદાવાદ-ધોલેરા ગ્રીનફિલ્ડ એક્સપ્રેસવે (NE-8), જે 109.019 કિમી લાંબો છે, તે હવે ભારતમાલા પરિયોજના હેઠળ માત્ર એક રસ્તો રહ્યો નથી. તે એક જીવનરેખા બની ગયો છે, જે ગામડાઓને શહેરો સાથે, પરિવારોને સમય સાથે અને આકાંક્ષાઓને તકો સાથે જોડી રહ્યો છે. અમદાવાદ અને ભાવનગર જિલ્લાઓમાંથી પસાર થતો આ એક્સપ્રેસવે ધોલેરા સ્પેશિયલ ઇન્વેસ્ટમેન્ટ રિજન (DSIR) અને હાલના કોસ્ટલ હાઇવેને સીમલેસ કનેક્ટિવિટી પૂરી પાડે છે, જે આ પ્રદેશમાં લોકો કેવી રીતે જીવે છે, મુસાફરી કરે છે અને સપના જુએ છે તેને પુનઃવ્યાખ્યાયિત કરે છે. ₹5,800 કરોડના કુલ પ્રોજેક્ટ ખર્ચે નિર્મિત આ એક્સપ્રેસવે આ પ્રદેશમાં સૌથી નોંધપાત્ર ઇન્ફ્રાસ્ટ્રક્ચર રોકાણોમાંનું એક છે.
હાલમાં, એક્સપ્રેસવેને પરીક્ષણ હેતુઓ માટે જનતા માટે ખુલ્લો મૂકવામાં આવ્યો છે, જે મુસાફરોને ઝડપી અને સરળ મુસાફરીનો અનુભવ કરવા દે છે જ્યારે અંતિમ ઓપરેશનલ સજ્જતાનું મૂલ્યાંકન કરવામાં આવે છે. નિયમિત મુસાફરી કરનારાઓ માટે જેઓ ખાસ ગાંધીનગર અને ભાવનગર વચ્ચે મુસાફરી કરે છે, આ એક્સપ્રેસવે એક અમૂલ્ય પરિવર્તન લાવ્યો છે. પહેલા, મુસાફરીમાં 3.5થી 4 કલાક લાગતા હતા. હવે 2.30થી 2.45 કલાકમાં પહોંચી જાઉં છું. અગાઉ રસ્તા પર લાંબા કલાકો પસાર થવાને કારણે, હું મારા પરિવારને પૂરતો સમય આપી શકતો નહોતો. હવે, હું જે 2 થી 2.5 કલાક બચી શકે છે, એમ સ્થાનિકે જણાવ્યુ હતું.
એક્સપ્રેસવે ધોલેરાની આર્થિક ક્ષમતાને પણ ખોલી રહ્યો છે. સ્થાનિકોનું માનવું છે કનેક્ટિવિટીએ રોકાણકારોમાં એક સમયે જે સૌથી મોટી ખચકાટ હતી તે દૂર કરી દીધી છે. આ એક્સપ્રેસવે ખુલવાથી રોકાણકારો સરળતાથી મુસાફરી કરી શકે છે અને સમય બચાવી શકે છે. અમદાવાદથી ધોલેરા પહોંચવામાં હવે માત્ર 45 મિનિટ લાગે છે, જે અત્યંત મહત્વનું છે. રોકાણકારો ખુશ છે અને ધોલેરામાં રોકાણ કરવા માટે વધુને વધુ આતુર છે. આ હાઇવેએ કનેક્ટિવિટીના અંતરને દૂર કર્યું છે જે એક સમયે અસ્તિત્વમાં હતું.
અન્ય એક સ્થાનિક કહે છે કે બે વર્ષ પહેલાં, અમને લાગતું હતું કે અમે અમદાવાદથી ખૂબ દૂર રહીએ છીએ કારણ કે અમદાવાદ લગભગ 120 થી 130 કિલોમીટર દૂર હતું. પરંતુ જ્યારથી આ એક્સપ્રેસવે બન્યો છે, ત્યારથી એવું લાગે છે કે આપણે અમદાવાદમાં જ રહીએ છીએ. આજે, અમદાવાદ પહોંચવામાં માત્ર 45 મિનિટ લાગે છે, જે અગાઉ અઢી કલાકની સરખામણીમાં ઘણી ઓછી છે.”
ઇન્ફ્રાસ્ટ્રક્ચરનું નિર્માણ, પર્યાવરણનું રક્ષણ અમદાવાદ-ધોલેરા એક્સપ્રેસવેનું એક વિશિષ્ટ પાસું તેની પર્યાવરણ-પ્રથમ નિર્માણ અભિગમ છે, જે સાબિત કરે છે કે મોટા ઇન્ફ્રાસ્ટ્રક્ચર જવાબદારીપૂર્વક વિકસી શકે છે.
· એમ્બેન્કમેન્ટ (પાળા) ના નિર્માણમાં અમદાવાદ મ્યુનિસિપલ કોર્પોરેશનના 60 લાખ મેટ્રિક ટન કચરાનો પુનઃઉપયોગ કરવામાં આવ્યો છે
· 22 લાખ મેટ્રિક ટન ફ્લાય એશનો ઉપયોગ કરવામાં આવ્યો છે, જે ઔદ્યોગિક કચરો અને કાર્બન અસર ઘટાડે છે
વિશાળ હરિયાળી પહેલ:
o મીડિયનમાં 2,70,675 છોડ
o 1,56,097 એવન્યુ પ્લાન્ટેશન (માર્ગની બાજુમાં વૃક્ષારોપણ)
એક્સપ્રેસવેની મુખ્ય લાક્ષણિકતાઓ
· 30-મીટર પહોળો મીડિયન ભવિષ્યમાં 8 લેન સુધીના વિસ્તરણ માટે તૈયાર કર્યો
· Ch. 67 પર ઇન્ટરચેન્જ દ્વારા ધોલેરા ઇન્ટરનેશનલ એરપોર્ટ સાથે સીધી કનેક્ટિવિટી
· સમાંતર ચાલતા સેમી હાઈ-સ્પીડ રેલ કોરિડોરનું આયોજન
· સીમલેસ મુસાફરી માટે ક્લોઝ્ડ ટોલિંગ સિસ્ટમ
· 2 આધુનિક વે-સાઇડ સુવિધાઓ (Way-Side Amenities)