2026માં ‘Cash Crush’: બાબા વેંગાની વૈશ્વિક આર્થિક વિનાશની ડરામણી આગાહી

નવા વર્ષના માંડ હવે અઢી મહિના બાકી છે. ઓક્ટોબરના પંદર દિવસ તો પૂરા થઈ ગયા. નવું વર્ષ નવી અપેક્ષાઓ અને સુખકામના રહે પણ આગામી વર્ષ મુશ્કેલીના એંધાણ છે. વીતી રહેલું વર્ષ તો યુદ્ધો અને મહાદુર્ઘટનામાં વીતી રહ્યા છે, ત્યારે આગામી વર્ષ માટે ચોંકાવનારી આગાહી કરવામાં આવી છે. 2026 માટે બલ્ગેરિયાના બાબા વેંગાએ આર્થિક મોરચે એવી ડરામણી આગાહી કરી છે કે દુનિયાની મહાસત્તાઓને પરસેવો આવી ગયો છે. મૂળ આગાહીની જ વાત જાણીએ.

આગામી 2026ના વર્ષ માટે બાબા વેંગાએ કેટલીક આર્થિક આગાહીઓ કરી છે જે ભયાનક ચિત્ર રજૂ કરે છે. દુનિયામાં ઘણા લોકો એવા છે જે ભવિષ્ય જોવાનો દાવો કરે છે અને જ્યારે તેમની આગાહીઓ સાચી સાબિત થાય છે, તેથી આ આગાહીને લઈ સૌને ચિંતા છે. જ્યારે નોસ્ટ્રાડેમસને વિશ્વના સૌથી અગ્રણી ભવિષ્યવેત્તા માનવામાં આવે છે, ત્યારે બીજું નામ બાબા વેંગાનું લેવાય છે, જેને બાલ્કન્સના નોસ્ટ્રાડેમસ તરીકે ઓળખવામાં આવે છે. નોસ્ટ્રાડેમસની જેમ બાબા વેંગાએ કોયડાઓ દ્વારા ભવિષ્યની ઝલક આપે છે, તેમણે આગામી વર્ષ માટે ચિંતાજનક વૈશ્વિક ઘટનાઓની આગાહી કરી છે, જેમાં સંભવિત આર્થિક વિનાશનો સમાવેશ થાય છે, જેને તેમણે ‘કેશ ક્રશ’ નામ આપ્યું છે.

લેડબીબલ મુજબ બાબા વેંગાએ વર્ષ 2026 માટે ગંભીર વૈશ્વિક નાણાકીય કટોકટીની આગાહી કરી છે. તેમણે એવી આગાહી કરે છે કે આ વર્ષે ડિજિટલ અને ભૌતિક ચલણ પ્રણાલી બંને તૂટી જશે, જેના કારણે “રોકડ ક્રશ” થશે. આ કટોકટી બેંકિંગ કટોકટી, ચલણ મૂલ્યોમાં નબળાઈ અને બજારમાં તરલતાનો અભાવ તરફ દોરી શકે છે. એક કટોકટી બીજી કટોકટી તરફ દોરી જશે, જે વૈશ્વિક અર્થતંત્રને અસર કરશે. આમાં ફુગાવો, ઊંચા વ્યાજ દર અને ટેકનોલોજી ઉદ્યોગમાં અસ્થિરતાનો સમાવેશ થઈ શકે છે.
નિષ્ણાતોનું કહેવું છે કે જો એમ થયું તો સમગ્ર આર્થિક વ્યવસ્થા પર અસર પડશે, ખાસ કરીને પહેલાથી જ્યાં મંદી છે, ત્યાં ઊર્જાનું સંકટ પણ ઊભું થશે. અમુક લોકો તેને અવગણે છે, પરંતુ અમુક લોકો દાવો કરે છે અત્યારે રશિયા-યુક્રેનનું સંકટ ઊભું જ છે, જેનાથી ક્રિપ્ટો માર્કેટમાં ગાબડું છે, તેથી આ ભવિષ્યવાણીથી દુનિયાની મહાસત્તાઓ ચિંતામાં આવી શકે છે.

બાબા વેંગાને ‘બાલ્કન્સના નોસ્ટ્રાડેમસ’ તરીકે ઓળખવામાં આવે છે. તેમનું સાચું નામ વાંગેલિયા પાંડેવા દિમિત્રોવા હતું. તેમનો જન્મ 1911માં ઉત્તર મેસેડોનિયામાં થયો હતો. 12 વર્ષની ઉંમરે તેમણે વાવાઝોડાને કારણે તેમની દૃષ્ટિ ગુમાવી દીધી. તેમના અનુયાયીઓ કહે છે કે આ પછી તેમને ભવિષ્ય જોવાની શક્તિ મળી હતી. 30 વર્ષની થાય તે પહેલાં જ તેઓ તેમની આગાહીઓ અને ઉપચાર માટે જાણીતા બની ગયા હતા. તેમની નામના એટલી મહાન છે કે ફક્ત સામાન્ય લોકો જ નહીં, પરંતુ બલ્ગેરિયાના રાજા બોરિસ ત્રીજા અને સોવિયેત નેતા લિયોનીદ બ્રેઝનેવ જેવા અગ્રણી વ્યક્તિઓ પણ તેમની સલાહ લેતા હતા.