અમેરિકામાં ગરમીને કારણે Abraham Lincolnના મીણના પૂતળાની થઈ આવી હાલત…
માત્ર ભારત જ નહીં પણ આખી દુનિયામાં ગરમીનો કહેર જોવા મળી રહ્યો છે. અમેરિકામાં આ વધતી જતીની ગરમીની એવી સાઈડ ઈફેક્ટ જોવા મળી હતી કે જેની કોઈ કલ્પના પણ નહીં કરો હોય. ચાલો તમને જણાવીએ આખરે એવું તે શું થયું અમેરિકામાં-
મળી રહેલી માહિતી પ્રમાણે અમેરિકાના વોશિંગ્ટન ડીસી ખાતે મૂકવામાં આવેલું અબ્રાહમ લિંકનનું મીણનું પૂતળું પણ વધતી જતી ગરમીને કારણે પીગળવા લાગ્યું છે. નાનફા કલ્ચર ડીસી દ્વારા બાંધવામાં આવેલું આ સ્મારક ગેરિસન એલીમેન્ટ્રી સ્કૂલના મેદાનમાં ખુલ્લી જગ્યા પર રાષ્ટ્રના અધ્યક્ષ અબ્રાહમ લિંકન (US President Abraham Lincoln)નું મીણનું પૂતળું બનાવવામાં આવ્યું છે.
વર્જિનિયાના ફેમસ આર્ટિસ્ટ સેન્ડી વિલિયમ્સે 6 ફૂટનું લિંકન મીણનું પૂતળું ઊભું કર્યું છે. સતત વધતી જઈ રહેલી ગરમીને કારણે મીણ પીગળવા લાગ્યું છે અને અંદરનું તારનું માળખું બહાર દેખાવવા લાગ્યું છે. આ પૂતળાનું સમારકામ કરવાનું કામ હાથ ધરવામાં આવ્યું છે.
A wax statue of President Abraham Lincoln in Washington DC has melted as temperatures soared over the weekend.
According to reports, the replica started melting and leaning backward as if the 16th president was sitting in a recliner, his legs detaching and headless.
— BFM News (@NewsBFM) June 26, 2024
અત્રે ઉલ્લેખનીય છે કે હાલમાં અમેરિકામાં તાપમાનમાં વધારો જોવા મળી રહ્યો છે અને ખુલ્લી જગ્યાએ મૂકવામાં આવેલું આ મીણનું પૂતળું પીગળવા લાગતા જ પડી રહેલી ગરમીનો અંદાજ લગાવી શકાય એમ છે.
ભારતની વાત કરીએ ઉત્તર પ્રદેશ, દિલ્હી, મહારાષ્ટ્ર, રાજસ્થાન, ગુજરાત સહિતના અનેક રાજયોમાં આ વખતે ગરમીએ માઝા મૂકી દીધા હતા અને ઉષ્ણતામાનના પારાએ અત્યાર સુધીના અનેક રેકોર્ડ બ્રેક કરી દીધા હતા. કાળઝાળ ગરમીને કારણે નાગરિકો ત્રાહિમામ પોકારી ગયા હતા.